သမီးလေးရေ
“ကြည်လင်တဲ့စိတ်
မွန်မြတ်တဲ့ စေတနာ
ကြီးမားတဲ့ ဇွဲလုံးလ
ခိုင်မာတဲ့ယုံကြည်ချက်
မြင်မြတ်တဲ့ ကိုယ်ကျင့်တရား ”
တွေကို ပိုင်ဆိုင်နေမယ်လို့ ဖေဖေ ယုံကြည်နေတယ် သမီး၊၊
သမီးရေ...
လူတစ်ယောက်မှာ အကောင်းတွေရှိသလို အဆိုးတွေလည်း မကင်းကြဖူး၊၊
အမှန်တွေကို လုပ်မိသလို အမှားကိုလည်း ကြုံကြိုက်မိတာချည်းပါပဲ၊၊
ငါ့သမီး လူကြီးဖြစ်သွားမဲ့အချိန်မှာ - စိတ်ထင်ရာမပြောမိစေဖို့ပါပဲသမီး၊
မာယာတွေများတဲ့ လောကကြီးမှာ ဟန်ဆောင်ရတဲ့အပိုင်းတွေအများကြီးရှိတယ်၊။
“စကားတစ်ခွန်းထွက်မယ်ကြံရင် အဲဒီစကားရဲ့ အဓိပ္ပါယ် ဘယ်လောက်ထိရောက်သလဲ-
ဘာအကျိုးတွေထူးလာသလဲ ဆိုတာကို ပထမဆုံးစဉ်းစား၊ ပြောသင့်ရင် ပြောချလိုက်ပေါ့၊၊
မပြောသင့်ရင်တော့ နှုတ်ဆိတ်နေလိုက်ပေါ့၊၊မပြောသင့်တဲ့စကားကို အရမ်းပြောချင်နေတယ်ဆိုရင်တော့
စာရွက်တစ်ရွက်မှာရေးချလိုက်၊၊ ပြီးတော့ အစဖျောက်ပစ်လိုက်ပါ၊၊
လူတိုင်းဟာ ချိုသာတဲ့စကားကို သဘောကျနှစ်ခြိုက်ကြတယ်ကွဲ့၊၊အတွင်းစိတ်ကို မထိုးဖောက်၊ မသိမြင်ပဲ
အပေါ်ယံလေးသာ သိကြ၊ကြည့်ကြတဲ့သူတွေနှင့် ဆက်ဆံလာရတဲ့အခါ- သမီးကို ၈ျစ်ကန်ကန်နဲ့
ကတ်လှချည်းလားလို့ အထင်မှား၊ အမြင်မှားတွေကို မထင်စေချင်၊မမြင်စေချင်ဖူးကွယ်၊၊
“စံပြ အမျိုးသမီးကောင်းတစ်ယောက်အဖြစ် လူပုံအလယ်မှာ ရပ်တည်နေနိုင်ဖို့ထက် ကိုယ်ကျင့်တရား
မြင့်မြတ်ပြီး စိတ်ထားဖြူစင်တဲ့ သူတစ်ယောက်အဖြစ် မိမိကိုယ်ကို ယုံကြည်နိုင်စေဖို့ ဖေဖေတိုက်တွန်း
လိုက်ပါတယ်၊
သမီး
မွေးဖွားခြင်း နဲ့ သေဆုံးခြင်း ကာလကြားကို “ဘ၀”လို့ သတ်မှတ်ရင် ဘ၀ကို အရွယ်သုံးပါးနဲ့
ပိုင်းဆစ်ပြီး မျှဝေလုပ်ကိုင်ခြင်းနဲ့ ဘ၀အလှဆင်ရန် နီတိ တစ်ခု လက်ဆောင်ပြုလိုက်ပါတယ်၊၊
“ ပထမအရွယ်
ငယ်သော်ကတည့်
သိပ္ပံခေါင်အား
တတ်မြောက်ငြားမူ
တောသားရန်အောင်
ခြင်္သေ့ယောင်သို့
မရှောင်မညှာ
တင်းတင်းမာ၍
ပညာရဲရင့်
ပွဲလယ်တင့်သိမ့်၊၊”
သမီး
တည်ငြိမ်တဲ့ စိတ်ကို ရနိုင်အောင်ကြိုးစားပါ၊၊ တစ်ချိန်မှာ တစ်မျိုးသာဖြစ်နေအောင်ပေါ့၊
အဲဒီအခြေအနေမှာ မိမိလိုလားတဲ့ စိတ်နှင့် အစားထိုးတည်ဆောက်သွားနိုင်တယ်၊၊ အဲဒီလို
တည်ဆောက်သွားနိုင်ဖို့အတွက်တော့ “ပညာ” နှင့် “သတိ” လိုအပ်တယ်၊၊
ဖတ်ခဲ့ဖူးတဲ့ စာအုပ်တစ်အုပ်ထဲမှာ
“ ကာမရောဂါ အတွင်းနာကား
ကုရာနတ္ထိ ဆေးမရှိခဲ့၊
မိမိ “ပညာ” “သတိ” သာလျှင်
မဟာသြသဓ ဆေးမည်စွ၊၊ ”
(မြတ်ဗုဒ္ဓ)
(ကာမရောဂါ အတွင်းနာ = လိုအင်ဆန္ဒများ)
သမီး-
မဖြစ်နိုင်တာကို မယုံနဲ့၊၊
အတိတ်ကိုနောင်တမရနဲ့၊၊
မရနိုင်တာကို တမ်းတမနေနဲ့၊၊
မဖြစ်နိုင်တာကို ယုံနေမဲ့အစား ဖြစ်နိုင်တာကိုပဲတွေးတောပါ၊၊
အတိတ်က အမှားတွေကို နောင်တရနေမဲ့အစား နောင်မမှားအောင် ကြင့်ကြံသွားပါ၊၊
မရနိုင်တာကို တမ်းတနေမဲ့အစား ရတာနဲ့ပဲ ရောင့်ရင်းပါနော်၊၊
သမီး
သမီးလို မိန်းကလေးကို (ဖေဖေ) တော်ရုံယောင်္ကျားတစ်ယောက် လက်ထဲမထည့်လိုက်နိုင်ဖူး၊၊
ဒီတော့- သမီးရွေးချယ်ရမဲ့ အချက်တွေက-
-ကိုယ်ကျင့်တရား မြင့်မြတ်ပြီး စိတ်ထားဖြူစင်တဲ့သူ
-သမီးရဲ့ မိဘနှစ်ပါးကို မိဘလို သဘောထားနိုင်တဲ့သူ
-ယောင်္ကျား ပီသပြီး ဦးဆောင်ဦးရွက် ပြုလုပ်နိုင်သူ
တို့ပါပဲကွယ်၊၊
ဒီတော့ သမီးလိုက်နာရမှာက
နှလုံးသားက လက်ခံထားနိုင်တဲ့သူကို ဦးနှောက်နှင့် ရွေးချယ်တတ်ပါစေ၊၊
မှတ်ချက်၊၊ ၊၊ အဖေ့သမီး အပျိုကြီးများ ဖြစ်မလားမသိဖူး)
သမီး-
အများနှင့် လိုက်လျောညီထွေမှုရှိပါစေ-
Isolated ဘ၀ကို မဖန်တီးနှင့်-
သွား-လာ-နေ-ထိုင်-၀တ်-စား-ဆင်ယင် ဆက်ဆံမှုတွေအားလုံး ခော်ဆန်ဖို့ မလိုပါဖူး၊၊
အဲ- ဒါပေမဲ့ ခော်မီအောင်တော့ ကြိုးစားရမယ်နော်၊၊
ဘ၀ရဲ့ တွေ့ကြုံလာတဲ့ အခက်အခဲတွေ အားလုံးကိုလဲ တက်ကြွတဲ့စိတ်ဓါတ်အားမာန်နှင့်
ရုန်းကန်လုပ်ရှားပါလို့ တိုက်တွန်းချင်ပါတယ်ကွယ်၊၊
သမီး
လောကကြီးမှာ - လုပ်ချင်တာရယ်
- လုပ်နေရတာရယ်
- လုပ်သင့်တာရယ်
- လုပ်နိုင်တာရယ် ဆိုပြီး
အမျိုးမျိုးရှိတယ်၊၊
လှုပ်ရှားမှုတိုင်း ၊ လုပ်ဆောင်မှုတိုင်းမှာ အဓိပ္ပါယ်အပြည့်အ၀ရှိရမယ်၊၊
အသိညာဏ်ရှိတဲ့ လူသားက ညာဏ်ကို ဦးစီးပြီးမှ လုပ်ဆောင်နိုင်ပါစေ၊၊
-ကြမ်းတမ်းခက်ထန်
လောကဓံကို
ညံ့ခံဒူးထောက်
လက်မမြောက်နှင့်၊
-ခရီးမာကြမ်း
သင်မပန်းနှင့်၊၊
-အလွမ်းကိုတွေး
သင်မဆွေးနှင့်၊၊
-သင့်သွေးခိုင်ခိုင်
အားသစ်ပြိုင်သော်
ပန်းတိုင် မုချရောက်မည်တည်း၊၊
အခက်အခဲတွေ ကြုံလာတဲ့အခါ ဒီကဗျာလေးကြောင့် အားတက်နိုင်ပါစေကွယ်၊၊
သမီးရေ
ဘ၀နှင့် ပတ်သက်တဲ့အရာတွေကို အသိညာဏ်နဲ့ဘဲ ဆုံးဖြတ်တတ်ပါစေ၊၊
အတိတ်ကို သတိရခဲ့ရင် သာယာကြည်နှူးစရာကောင်းတဲ့ အချိန်ကိုတွေးမိပါစေ၊၊
တိုတောင်းလှတဲ့ (တစ်မိနစ်)ကို မပစ်ပယ်နိုင်တဲ့ တန်ဖိုးရှိတဲ့ စက္ကန့် (၆၀) နဲ့ အစားထိုးနိုင်ပါစေ၊၊
အရာရာတိုင်းမှာ သတိရှိနေပါစေ၊။ သမီးအတွက်အောင်မြင်ရေးကိုရှေးရှုလျှက်
ချစ်သောဖေဖေ
မှတ်ချက်၊၊ ဒီစာလေးက ကျောင်းတွေပြီးလို့ တခြားနေရာမှာသွားအလုပ်လုပ်မဲ့ သမီးအတွက် အဖေရဲ့ အမှတ်တရစာလေးပါ၊၊ အဖေခံယူချက်လေးတွေကို မျှဝေပေးလိုက်ပါတယ်၊၊ အမှားပါရင် ခွင့်လွတ်ပါ၊၊
Subscribe to:
Post Comments (Atom)
No comments:
Post a Comment